Kanina pa ako nakaupo at naghihintay na lang na i-serve sa amin ang mga pagkain pero hindi pa rin ako makapaniwala na nasa harapan ko si Justin.
Litong-lito ako pero hindi ko magawang magtanong hangga’t hindi kami nagsisimulang kumain dahil mukhang sobrang tagal niyang naghintay sa akin dito kaya nakasimangot at mukhang wala sa mood!
Kagat ang ibabang labi na kinuha ko ang phone ko at nagpasya na kuhanan siya ng picture ng palihim. Bihis na bihis siya at sobrang gwapo kaya kung sakaling mapapayag ko siyang maging cover ng magazine namin ay ganitong style ang gusto kong gawin ng stylist sa kanya.
Hindi siya nakatingin sa gawi ko kaya tumikhim ako at pasimpleng inangat ang phone ko para kunwari ay manalamin pero ang totoo ay kukuhanan ko lang siya ng picture.
Natigil ako sa pagkuha ng pi
