“Mi Loves ko, tila yata nasira ko ang mood ni Birthday Boy Allan?” Bulong ni TJ sa akin habang kumukuha kami ng pagkain.
“Bakit mo naman nasabi, Mi Loves ko?” Kahit alam ko na ang dahilan ay nagtanong pa rin ako kay TJ dahil nahalata ko din naman na parang nalungkot si Allan.
“Nawala ung ngiti niya kanina nung nalaman niya na tayo na.” Sagot ni TJ sa akin.
“Hindi naman siguro.” Ani ko sa kanya kahit na may kutob na ako na naapektuhan nga si Allan sa nalaman niya. “Tara upo na tayo sa tabi nina Ate Liza. Ayun sila.” Aya ko kay TJ sabay turo sa kinauupuan ng iba naming kasamahan.
“Teka kukuha lang ako ng maiinom natin. Coke ba gusto mo, Mi Loves ko?” Tanong sa akin ni TJ.
“Tubig na lang ako, Mi Loves ko. Akin na muna yang plato mo. Ako na magdala.” Sagot ko sa kanya.
