Buti na lang isinerve na ni Allan ang inorder namin kaya nagkaroon ng dahilan para hindi ako sumagot sa sinabi ni TJ.
"Enjoy your dinner. Pag may kailangan pa kayo, just call me." Nakangiting sabi sa amin ni Allan. "Eat well, Leci." Dagdag pa ni Allan na nakatingin at nakangiti sa akin.
"Salamat." Tugon ko naman.
"Kain ka din, Pre." Aya ni TJ kay Allan.
"Bawal Pre. Working hours. Baka masisanti ako pero salamat." Ani ni Allan at umalis na din agad ito para naman magserve ng order sa ibang customers.
"Kain na tayo, Leci." Aya ni TJ.
Agad niyang kinuha ang plato na naglalaman ng carbonara. Akala ko ay para lagyan ang plato niya pero sa plato ko niya itinutok ang plato na may carbonara para lagyan ang plato ko.
"Uy, wag masyadong madami. Baka di ko maubos. Konti lang, TJ." Pagp
