MAHIHINANG katok sa armrest ang tanging maririnig mula sa mga daliri ni Eira habang nakaupo sa trono nito at malalim ang iniisip.
Kahit ano’ng alaala niya ay hindi niya matandaang may ginawa siya kay Jus na dahilan ng ikagagalit nito. Maayos silang naghiwalay nang gabing iyon at kinaumagahan ay nalaman niyang labis na ang galit sa kaniya ng binata.
Eira stood up and flipped her cape backwards. She walked in circles and think about it thoroughly.
“May nangyari nang iwan ko sila ni Ameera,” usal niya sa sarili. “Ano ang sinabi ni Ameera sa kaniya at gayon na lang ang galit niya sa akin? Hindi maaaring wala…” kausap niya sa sarili.
Itinigil ni Eira ang ginagawa at sinapo ang noo. Mariing ipinikit niya ang kaniyang mga mata sa pag-iisip kung ano ang maaaring sinabi sa kaniya ni Ameera.
