“SI EIRA, Jus. Isa siyang taksil!”
Napakurap si Jus dahil sa kabiglaan. Naguguluhang tinitigan niya si Ameera na masagana nang lumuluha.
“Linawin mo ang sinasabi mo, Ameera.”
“Magkasabwat sila ni Argon, Jus. Kasama nila si Eira sa balak nilang makuha mula sa iyo ang pirea!”
Pagak na natawa si Jus at marahang umiling. “Imposible iyon, Ameera. Wala pa sa akin ang pirea ay kaibigan ko na si Eira. Kaya malabo iyang sinasabi mo.”
“Totoo ang sinasabi ko, Jus. Bago ako nakatakas mula sa kastilyo ay narinig at nakita ko sila ni Argon na magkausap sa silid nito. Hindi ako nagkakamali!”
Tumayo si Jus at napahilot sa kaniyang sentido. “Hindi ako kailanman pagtataksilan ni Eira. Hindi siya magsisinungaling sa akin.”
“Kung gusto mong malaman ang totoo ay utusan mo ang pirea na ipakita sa ‘yo an
