NAKADUNGAW si Jus sa bintana ng kaniyang silid isang hapon nang mapansin niyang may taong papalapit sa kanilang bahay. Nag-iisa siya roon dahil niyaya ni Karl si Zea na mamasyal at nagpunta naman sa OB-Gyne ang mag-asawa. Hindi rin nagawi sina Jim at Win sa bahay dahil parehong may inasikaso ang mga ito. Nang mabalitaang buntis na si Ereneya ay hindi rin naikaila ang tuwa ng mga ito.
Naningkit ang kaniyang mga mata upang sipatin kung sino ang paparating. Nang makilala iyon ay agad na lumiwanag ang kaniyang mukha at agad na gumuhit ang ngiti sa kaniyang labi. Umalis siya sa harapan ng kaniyang bintana at bumaba upang salubungin ang paparating na bisita. Nasa pintuan na siya nang makarating ito sa bahay.
“You’re here. Ahhh,” wika niya na sinabayan ng paghawak sa kaniyang baba na tila nag-
