MALAKAS ang kabog ng dibdib ni Ameera habang palihim na naghahanap ng daan upang tumakas. Nang pumasok kanina ang dama ni Argon at dalhan siya ng pagkain ay naiwan nitong bukas ang kaniyang piitan nang umalis ito.
Nagkataon ding walang mga kawal ang nakapuwesto sa piitan nang mga oras na iyon na ipinagpasalamat niya sa Bathalang Luna.
Nang makitang may naglalakad na kawal sa gawing harapan ng bulwagan ay bumalik siya at tinungo ang pasilyo kung saan madaraanan niya ang kaniyang silid. Hindi rin siya nakapasok roon dahil may mga kawal. Tinungo niya ang isa pang daan patungo sa kinaroroonan ng silid ni Argon. Wala siyang balak na pasukin ang silid nito. May alam siyang maliit na silid sa dulo ng pasilyong iyon na may lagusan patungo sa ilog ng Silvana. Ang Subah. Mapanganib ang ilog na i
