MAKALIPAS ang isang linggo ay hindi pa rin nagpapakita kay Justin si Eira. Labis siyang nag-aalala para sa diwata. Kahit si Zea ay panay ang tanong kung dumalaw na ba sa kanila si Eira at tuwina’y naninibugho ito kapag nalaman nitong hindi pa rin bumabalik ang diwata.
“Kanina ka pa nakatunganga riyan,” puna ni Karl nang makalapit sa kaniya. Naroon siya sa hardin ni Zea at nakahiga sa duyan.
Nakita ni Jus na may dala itong bote ng alak at dalawang babasaging baso. Mukhang nabawasan na naman ang koleksyon ng alak ng kuya Zyl niya. Papalapit din sa kanila si Res na may dalang maliit na mesa at dalawang stool. Mukhang plano ng dalawang ito ang mag-inuman.
Hinayaan niyang ayusin ng mga ito ang mesa sa tabi ng duyan niya. Naglagay si Karl ng alak sa baso at iniabot sa kaniya.
Napabuntong
