MASAMANG tinititigan ni Zea si Ameera habang nakayakap sa tiyuhin niyang si Jus.
Nakikita niya na may hawak na punyal ang kamay nitong nakayakap sa likod ng kaniyang pinakamamahal na tiyuhin at nakatuon ang talim ng punyal sa likod nito.
Gustong sumigaw ni Zea ngunit hindi niya mahagilap ang boses. Para siyang pipi. Nais rin niyang takbuhin ang tiyuhin ngunit hindi niya maigalaw ang kaniyang katawan at mga paa.
Hindi niya alam kung bakit iyon nangyayari ngunit hindi niya hahayaan patayin ni Ameera ang kaniyang tiyuhin.
Sinubukan ni Zea na iangat ang kaniyang kamay. Nagawa niya. Ikinumpas niya ang kaniyang mga daliri sa hangin ngunit walang nangyayari na labis niyang ipinagtataka.
“Ano’ng nangyayari?” hindi makapaniwalang tanong niya sa sarili.
Biglang nagdilim ang paligid at na
