“ANO BA ang kailangan nating hanapin sa mga ito?” tanong ni Jus na hindi malaman kung ano ang unang bubuklatin sa mga pergamino na nagkapatong-patong sa mga estante na halos kasing-taas niya.
“Ang talaan ng kasaysayan ng mga Mira mula sa unang reyna na si Silvana,” sabi ni Leyla na may hawak ng scroll.
“Kung ganoon ay isinunod ninyo ang pangalan ng inyong kastilyo sa pangalan ng inyong unang reyna?”
Tumango si Leyla sa tinuran ni Jus. “Kailangan nating mahanap ang talaan kung saan binasbasan ng reyna ang isa niyang anak na ang supling ay magiging tagapagmana ng pirea.”
Tumango-tango si Jus at nagsimulang maghalungkat ng mga pergamino upang basahin ngunit laking pagkadismaya ang gumuhit sa mukha niya.
“How am I suppose to understand these characters?” bulong niya sa sarili at mara
