"Pinuntahan niya ako sa bahay kasama ang mga tauhan niya. Inalok niya ako ng dalawang milyon para sirain ang buhay mo. Nagtaka ako kung bakit ako, hindi naman kita kilala. Hanggang sa nagpakita siya sa akin ng mga larawan ninyo ng ate ko. Doon ko lang nalaman na naging magkarelasyon kayo. Pinaniwala niya ako na kaya nagpakamatay si Ate dahil iniwan mo siya para sa ibang babae. Sinisi ko ang sarili ko nang mawala si Ate. Naging miserable ang buhay ko. Kaya nang malaman kong ikaw ang dahilan kaya siya nagpakamatay, ginusto ko ring iparamdam sa iyo ang pagdurusa ko. At iyon ang pinakamalaking pagkakamali ko. Naniwala ako sa Wisley Buenaventura na iyon," wika ni Sheena. Patuloy ang pagbagsak ng kaniyang mga luha.
"Tinanggap mo ang dalawang milyon?" Sa lahat ng tanong na tumatakbo sa isip ni A
