Naihanda na ni Sheena ang mga gamit nila ni Aiden. Napabuntong-hininga siya habang pinagmamasdan ang mga iyon pati na ang nakasimangot na mukha ng anak.
"Pasensya ka na, anak. Hindi ko kayang ipaliwanag sa iyo ang lahat sa paraang maiintindihan mo," wika niya kay Aiden. "Pero para ito sa ikabubuti ng lahat."
Napayuko na lamang si Aiden. Napatingin sila parehas nang kumatok sa pinto ng kanilang kwarto si Andrew.
"Isang araw," wika ni Andrew habang nangingilid ang mga luha. "Bigyan mo ako ng isang araw para makasama si Aiden. Pagkakasiyahin ko ang isang araw para sa lahat ng mga ipinangako kong gagawin namin."
Bumagsak ang mga balikat ni Sheena. "Pahihirapan mo lang lalo ang bata. Aasa na naman siya na baka magbago ang isip ko at hindi na kami aalis. Hayaan mo na lang kaming umalis, ple
