عشقها لعنه

البارت15

مروان ضحك وخرج.هما وراه

كانت فاطمه بتفتح الباب وكلهم قاعدين جوا

فاطمه...... انتم خارجين ولااي

كريمه. معرفتش ترد ومش عايزه تضايقها

مروان..... اه رايح اخطب

فاطمه الكلام نزل عليها ذي الصاعقه وصدمتها ماقلتش عن صدمه رنا

فاطمه بزهول وبصت لكريمه فاوطت في الارض....تخطب ممب**ك عليك ياحبيبي

مي خرجت وكانت نفسها تض*ب مروان...... مب**ك

مروان.... الله يبارك فيكي يامي عقبالك انتي ورنا

مي..... قريب انشاءالله ربنا يوعدها براجل يحبها اصل قليل اوي رجاله دلوقتي اوي يامروان

مروان فهم قصدها..... طيب عن اذنكم

ونزلو

محمد. ماكنش متوقع دا من مروان هو كان شايف حبه لرنا

رنا كانت ذي الصنم مش بترد

مي.... رنا انتي تسهالي احسن منه صدقيني دا مايستهلكيش

فاطمه...... خلاص يامي مالوش لازمه الكلام دا كل شئ قسمه ونصيب

رنا مش سامعهم حاسه انه دابحها بسكينه تالمه اتخلي عنها وسابها في اكتر وقت هي محتاجه فيه وكمان سابها عشان ظروفها وجعها منه بيموتها

رنا.... دددخليني اوضتي يامي

مي.... بس يارنا

محمد قام... تعالي يارنا

محمد قام دخلها ونيمها علي سرير وفضل جنبها.....ربنا مابيجبش حاجه وحشه يابنتي واكيد ليه حكمه في كده

رنا غمضت عنيها ومردتش عليه

محمد. افتكرها نامت ف سابها وخرج

ودخل اوضته وباين عليه الحزن

فاطمه..... باين عليك الزعل كنت فكراك مش هيفرق معاك

محمد..... وجع رنا اللي زعلني لوكان سابها عشان رفضي ليه بس كانت هتتوجع شويه وهتعدي لكن هي ربطاها بعجزها

فاطمه..... انا هتجنن مش. فاهمه اي اللي حصل ولاحصل اذاي مروان بيحب رنا لي يعمل كدا ومين دي

محمد...... كل واحد بياخد نصيبه اقفلي الموضوع دا وشويه وادخلي لبنتك ومايتفتحش الموضوع تاني عشان تنساه هو اختار نصيبه خلاص وهي بكرا ربنا ببعتلها اللي يستهالها

فاطمه: بس البت مقطعه قلبي يامحمد سكوتها دا قلقني رنا اتصدمت صدمه كبيره اووي

محمد: ربنا هيبعتلها الاحسن وانتي ماتتكلميش معاها ونبهي علي مي باردو

مروان طول طريق ساكت مانطقش كلمه واحده وبعد مده كانو وصلو ونزلو كريمه بتتلفت حواليها تتف*ج علي بيت

ودخلو وبعد ثواني كانت نزلت هيا وكانت جميله جدا

هيا سلمت عليهم وقعدت..... مامي نازله

كريمه......براحتها يابنتي

هيا..... ماروان تعالي عيزاك

مروان قام معاها وبعدت بيه..... في اي ياهيا

هيا..... انا اشتريت فيلا انهارده وكتبتها باسمي وانت هتقول لمامي انك انت اللي جبتها وخلال شهر هتكون جاهزه وبعدها نتجوز

مروان..... لاطبعا انا مقبلش كدا

هيا..... ممكن تقسط تمانها ياسيدي ارتحت كدا

مروان.....اذا كان كدا ماشي

هيا.... مامي نزلت اهو تعالي نروح ليها

هند. نزلت ومعاها هنا وسلمت عليهم بغروروتكبر..... هيا تعالي

هيا قعدت هي ومروان

مروان.... انا جاي اطلب ايد وسكت للحظات وافتكر نفس الموقف وهو بيطلب ايد رنا واتمني لوالزمن يرجع وتبقي ليه نفض الافكار من دماغه وكمل كلامه...هيا

هند..... اوكي بس عندي.شروط

مروان.....اتفضلي

هند.....اولا تجبلها بيت كويس ذي دا تعيش فيه و

هيا قاطعتهاوهي مبتسمه ...... مامي مروان اشتري من يومين فيلا في الكمباوند هنا وكتابها باسمي كمان هديه خطوبتنا صح يامارو معلش بقي بوظت المفجاه بس عشان مامي تعرف انت بتحبني اد ايه وضحكت

هند بصتله يشك ومعلقتش

كريمه تنحت وبصتله بتعجب ومش فاهمه دا حصل اذاي اصلا

هند..... اوكي وشبكه دي تكون هديه قيمه منك انت

مروان..... اكيد ماتقلقيش

هند.... اوكي

هيا.....علي فكره يامامي احنا اتفقنا مع المهندس هيسلم لينا الفيلا بعد شهر

هند.....وهيلحق يخلصها في شهر

هيا.....اكيد.

مروان.... نقرا الفاتحه بقي

هند.....نقرا

قروا الفاتحه وكريمه معترضه عن كل اللي بيحصل دا وحاسه انها مش مرتاحه لانهم مش شبه بعض هي ليها حياتها وطبعها وهم ليهم حياتهم

وفضلو قاعدين مع بعض شويه ومشيو

هند دخلت اوضتها وهيا راحت لها واتكلمت معاها بحده وصيغه امر .....اسلوبك مع مروان يتحسن هو مش شغال عندك

هند.....يحمد ربنا الشحات دا اني وافقت عليه هو يطول يناسبنا

هيا قربت منها واتكلمت وهي بتتكي علي كل حرف .....مروان خط احمر مفهوم ودا لواتعاد تاني هتزعلي مني فاهمممه

هند خافت منها....حححاضر

وليد راجع من مكتبه كان مامته وبباه قاعدين

نبيل.....اي اخبار الشغل.اسمك ابتدا يكبر

وليد.ابتسم.....هذا الشبل من ذاك الاسد

نبيل.....ماشي ياشبل اخبار المكتب اي

وليد....تمام ماتقلقش

نبيل.....انا مش قلقان انا بطمن بس عليك

وليد....اطمن

رجاء.....ليدو تعالي جنبي هناعيزاك.في موضوع

وليد قام قعد جنبها.....خير في اي

نبيل.....بعدين يارجاء وليد تعبان دلوقتي

رجاء.....لالالا انا مش بشوفه خالص

وليد.....خير ياحبيبتي

رجاء....عارف صاحبتي شاهي هانم اللي جوزها سفير

وليد بتعجب.... ايوه بس مالها في اي

رجاء.....بنتها رجعت من باريس من يومين وبنت جميله اوووي اوي ياوليد

وليد.....مش فاهم باردو انا اي علاقتي بده

رجاء بصتله بضيق.....تجوزهاوليد

وليد....اها لا

رجاء......يعني اي لا

وليد.....يعني مش دي اللي انا عايز اتجوزها مش دي اللي بتمنها

رجاء.....انت بتقول اي انت سامع هي بنت مين.وبعدين دي بنت ممتازه ومتعلمه تعليم عالي وبنت ناس هي دي اللي هتكون وجهه ليك

وليد....مايهمنيش هي بنت مين ولاواخده شهادتها منين

رجاء......ومين بقي اللي بتتمناه السكرتيره البلدي اللي كانت شغاله عندك.ذي البوابين

وليد....انا ماسمحش لحضرتك تغلطي فيها

رجاء.....والله عال ياوليد بيه ببتقولي تسمحلي ولاماتسمحليش عشان واحده ذي دي ابنك نسي نفسه يانبيل ويتري بقي هتتجوزها وتجبلها بيبي سيتر تخلي بالها منها ولاانت اللي هتشتغلها داده مهي لابتتحرك ولابتشوف

وليد.....مااااامااااا انا ماسمحش ليكي باللي بتقولي عليها دا

رجاء.....شايف يانبيل

نبيل.....هواختارها وبيحبها خلاص هو حر

رجاء.....انت موافقو في كلامه دا

نبيل.....دي.حياته وهو حر فيها

رجاء....انا مش موافقه

وليد.....براحتك بس انا هتجوز رنا سواءوافقتي او رفضتي وسابها وطلع

رجاء بانفعال....مش هتتجوزها ياوليد وهتتجوز اللي انا هختارها ليك

نبيل:علي فكره هو راجل وهو من حقه يختار شريكه حياته مش انتي اللي تختاريها ليه

رجاء بصتله بعضب ومشيت لانهامش مقتنعه بكلامه

مي داخله تطمن علي رنا وبتصحيها

مي.....قومي بقي عايزه ارغي معاكي

رنا مش بترد

مي..... لو ماقومتيش هغرك مايه انا بقولك اهو

رنامفيش رد

مي قامت جابت ازازه المايه ودلقتها عليها ورنا علي حالتها باردو مابتتحركش

مي برعب.قربت منها وبقت تهزها....رنا رنا ردي عليا ررنا ااانتي مش بتردي ليه وهزت فيها لكن مش بترد

خرجت تجري وهي بتعيط وبتنادي عليهم بصوت عالي.......بابا ماما رنا الحقوووهااا

فاطمه خرجت من المطبخ بسرعه.....في اي مالها رنا

مي....مش بترد عليا

محمد وفاطمه دخلو يجرو عليها بيحاولو يفوقها مش بترد

محمد..... هواي اللي حصل يامي

مي برعب ..... مش عارفه يابابا انا دخلت لاقيتها كدا دلقت عليها مايه ومش فاقت هو اي اللي حصلها

فاطمه بخوف ..... طيب هنعمل اي يامحمد البت مابتتحركش اطلب دكتور ولامستشفي اي حاجه اتصرف

محمد واقف مكانه متسمر مش مستوعب اللي بيتقال

مي.... انا هكلم وليد

مي اتصلت بوليد ورد عليها

وليد.... الو يامي عام

مي قطعته وهي منهاره..... رنا ياوليد تعبانه اوي ومش عارفين مالها

وليد.اتنفض من علي كرسي ... تعبانه اذاي انا جايلك. حالا ونزل بسرعه من علي سلم وكان بيجري

وخرج بسرعه وامه اضايقت اكتر منه وهي شيفاه بيجري كده

رجاء..... شايف ابنك

نبيل..... سبيه بقي هو اختار والبنت كويسه ماتقلقيش

رجاء باصتله بضيق وطلعت اوضتها

وليد خرج بسرعه وكلم دكتور واخدو وراحو علي بيت رنا والدكتور كشف عليها

محمد بقلق .....خير يادكتور

الدكتور..... لازم تتنقل المسشتفي حالا

وليد..... لي يادكتور في اي

الدكتور..... دخلت في غيبوبه

محمد ووليد بصو لبعض بزهول..... غيبوبه اذاي

. الدكتور..... دا هيتحدد. اما تروح المستشفي اطلب الاسعاف

وليد..... لالا انا هخدها بعربيتي ولامحتاجه تجهيزات

الدكتور.... عادي بس ياريت في اسرع وقت انا هكلمهم يجهزو .

وليد شالها ونزل بيها وكلهم خايفين عليها وبعد مده كانو وصلو المستشفي والدكتور اخدها ودخل اوضه الكشف

مروان واهله رجعو بيتهم

كريمه.... اي اللي حصل دا ممكن افهم

مروان..... في اي ياامي

كريمه..... فيله اي اللي اشترتها وجبت فلوسها منين

مروان.....هيا اللي اشترتها مش انا بس انا اللي. هدفع قسطها كل شهر

كريمه..... وليه يابني تعمل كدا دي مش من توبنا لي تعمل في نفسك كدا ليه تدبح نفسك عشان تعملها اللي هي عيزاه

مروان...... اهو النصيب بقي انا هدخل ارتاح.

كريمه بقلق.....ربنا يستر من اللي جاي يابني ويبعد عنك الاذي

مروان غير هدومه ونام علي سرير وفاضل باصص للسقف مش عارف الخطوه دي صح ولاغلط واللي هو دا خل عليه دا نتيجته اي وهيقدر ينسي هيا ولاالا

هيا كانت فرحانه جدا وسعادتها ماتتوصفش ودخلت عليها هنا

هنا....انتي صاحيه

هيا.....اكيد تعالي

هنا دخلت فضلت بصالها مش بتتكلم

هيا.....قوليلي بقي اي اخبار كريم باشا نطق ولالسه.

هنا.....شكله مش ناوي ينطق

هيا.....ليه

هنا.....كريم اتغير مبقاش يخرج معانا ولابيسهر بيجي جامعه بس وعلاقته بقت بكل البنات في حدود السلام وبش في حاجه غريبه والكل شاكك انه مكن يكون بيحب.

هيا.....وبعدين

هنا....مفيش بعدين ربنا يسعده خلاص هعمل اي.

هيا.....تعملي اي انتي هتستلمي كدا علي وتسبيه

هنا....هوانا هحارب ياهيا

هيا.....طبعا لازم تحاربي لحد ماتخدي اللي انتي عيزاه

هنا ابتسمت.....دا في البيزنس ياهيا مش في الحب

هيا.....الاتنين واحد

هنا.....هواختار خلاص انا ماينفعش ادخل حياته واخربها ربنا يسعده معاها اي ان كانت مين هي.

هيا بضيق....تفكيرك.غريب اوي.

هنا.....اي الغريب في كلامي بوصي ياهيا الشاب ممكن.يحب اكتر من واحده عادي بس لو حب واحده بجد مهما يحصل مش هيشوف غيرها مهما حاولتي قلبه بيتقفل عليها هي وبس

هيا بصتلها بتوتر معقول بعد كل اللي عملته دا يكون لسه بيحبها

هيا بينها وبين نفسها.....لا يمكن يارنا مش هسمحلك تاخديه مني ولو حصل اي

هنا لاحظت شرود هيا.... في حاجه ياهيا

هيا بانتباه.... لالا انا معاكي بس انتي حاولي معاه وماتيسيش مدام بتحبيه يبقي اكيد هتوصلي ليه

هنا... بس المهم هو كمان يحبني انا مش هجري ورا واحد قلبه مع غيري لانه هيكون معايا بجسمه بس لكن قلبه وروحه هيكونو معاها هي

هنا قالت كلتم دا يمكن هيا تتراجع وتبعد عن مروان

هياخافت من كلامها ففضلت الهروب : طيب انا عايزه

انام نكمل كلام بكرا

هناهزت راسها وخرجت وهيا كدبت كلام هنا واقنعت نفسها انها صح ونامت تحلم بمروان

الوقت بيعدي عليهم ببطء مفيش حد بيخرج يطمنهم علي رنا القلق بيذيد

وليد اخد مي بعيد....هو في اي اي اللي وصلها لكدا

مي حكتله اللي حصل من مروان

وليد اتصدم....معقول مروان عمل كدا

مي.....طلع ندل وواطي وحقير

وليد حزين علي وضع رنا بس فرح انها هتبقي ليه

وبعد. مده خرج الدكتور

وليد.... خير يادكتور طمني

الدكتور..... واضح انها اتعرضت لصدمه عصبيه فوق تحملها ومقدرتش تواجها ف للاسف دخلت في غيبوبه

محمد.... طططيب وهتفوق امتي

الدكتور.....الله اعلم دي حاجه في علم الغيب وبقدرتها هي اانتم المفروض تقوها وتساعدوها ترجع لان هي حاليا كارها العالم اللي احنا فيه دا ومش حابه الاعتماد كله عليكم انتم عن اذنكم

استوووووب

اي رايكم في البارت