"Tita magpapahangin lang po ako sa likod bahay!" Paalam ko kay tita Luisa.
Nasa kusina ito at nagluluto ng merienda.
"Sige ihja! At ihahatid ko na lang doon itong request mo na turon!" Sagot naman nito. Napangiti ako sa narinig, pagkagising ko kaninang umaga ay bigla na lang akong nag crave sa turon.
Nakita ko kasi kahapon ang mga bunga ng saging sa likod bahay. Bigla kong naalala ang pagkain na pinatikim sa akin ni Rizza noon na turon pala ang pangalan.
"Thank you po tita!" Pasalamat ko rito at naglakad na palabas ng bahay patungo sa likod bahay. Ito na ang naging paborito kong tambayan tuwing hapon. May malaking duyan dito na nakatali sa magkabilang puno ng mangga. Parehong mayabong ang sangga at mga dahon nito na panangga sa sikat ng araw. Presko at nakakagaan sa pakiramdam ang ma
