Hindi rin sumama si Keith sa pamimili no'ng umagang 'yon. Sinipon kasi siya. Habang ako naman, nilalagnat at sinisipon. Hinayaan na niya si Krystal at sina Sheena at Toni ang mamili. Hindi nagpakita si Gino sa akin buong umaga. Wala akong ibang nagawa kung hindi ang tumambay sa kusina kung saan nandodoon si Keith, nagluluto ng sabaw na puwede naming higupin pareho. Walang umiimik sa aming dalawa.
Nang matapos siyang magluto ay inihain niya sa akin ang creamy mushroom soup na gawa niya. May sarili rin siyang bowl. Hinintay ko siyang makaupo bago ako nag-umpisang kumain.
Tumitiyempo ako na tanungin si Keith. Simula pa kagabi ay madami nang tanong ang utak ko. Para sa kanya at para kay Gino. Pero alam kong mainit ang ulo no'ng isa at siya lang ang makakausap ko sa kanilang dalawa nang mati
