Isang araw, nagising kaming lahat sa boses ni Krystal at ni Gino na nagtatalo. Kahit pupungas-pungas pa ay napalabas kami bigla ni Sheena sa kuwarto namin.
"Hindi ko nga alam, Gino! Bakit mo ba ipinipilit na alam ko kung nasaan 'yong bracelet mo kung hindi ko naman talaga alam?"
Halos sumigaw na si Krystal. Nasa labas sila ng kuwarto nila, nagtatalo. Pupungas-pungas na lumapit ako at tinanong kung ano bang pinagkakaguluhan nila.
"Ano bang pinag-aawayan niyo, ang aga-aga?"
"My bracelet's missing," sabi ni Gino.
"Anong bracelet?"
"'Yong nabili nating sa Quiapo. We both have one. 'Yong hindi mo na isinusuot."
Naalala ko bigla kung aning bracelet ang tinutukoy niya. Stainless steel bracelet 'yon na may palawin na infinity. May engraving ng pangalan namin sa infinity symbol. Sabi niya k
