Ilang beses na akong nagpabalik-balik sa Cebu dahil sa trabaho ko. Ilang beses na rin akong naimbitahan na pumunta rito para dumalo sa mga kasal at binyag ng mga kakilala ko. Isa rin ito sa paborito kong puntahan sa tuwing gusto kong magbakasyon. Hindi na bago sa ‘kin ang lugar na ito. Ang bago ngayong araw ay ang dahilan ng pagpunta ko rito.
Ni minsan ay hindi sumagi sa isipan ko na makakasama ko rito si Chase para dalawin ang babaeng kinababaliwan niya noon. Not until ako rin mismo ang nag-udyok sa kanya na bisitahin si Leslie.
I take a deep breath and rest my head on the car window. Kakaalis lang namin sa Mactan-Cebu International Airport at pakiramdam ko masusuka ako. Hindi dahil sa hindi ako sanay na bumyahe kung ‘di dahil hindi ko alam kung ano ang dapat kong gawin kapag nagkaharap
