Papalubog na ang araw sa guhit-pagitan nang marating namin ang aming destinasyon ni Chase. Ang tagal ng byahe. Akalain mo, umaga kami umalis sa Brgy. Malipay tapos ganitong oras na kami nakarating dito sa Tumoy.
Isang maliit na baryo ang Tumoy na located sa pinakadulong bahagi ng Brgy. Mahayag. Bale ‘yong Brgy. Kamingaw—kung nasaan ang lokasyon ng pantalan—ay nasa gitnang bahagi nitong isla. Ang Brgy. Malipay naman nasa left side, kung pagbabasihan ang port na pinagmulan ko, at ang Brgy. Mahayag naman nasa right side. Basically, mula kami sa dulo at nagpunta kami ngayon sa other end kaya malayo nga.
Napatingin ako sa labas nang mapansin ko ang nagtatakbuhang mga bata. Naglalaro sila malapit sa isang payag kung saan may mga nakatambay na matatanda. Sandali kaming tumigil ni Chase para mag
