NAKASANDAL ako kay Roxanne habang magkatalikod na nakaupo kami sa canopy sa harapan ng Physics room namin. Nalaman naming hindi makakarating sa klase ang teacher namin dahil may meeting ito kasama ang lahat ng Science teachers in all levels. Wala na kaming klase dahil ang Physics sana ang huling klase namin sa umaga.
“Ayl, bukas daw may star gazing diyan sa field para sa freshmen. Kung gusto naman daw natin mag-join ay pupwede dahil sabado naman bukas.”
Tumingin ako kay Saffi. Mukhang may idea ako kung ano ang pinupunto niya.
“Ano kaya kung pumuslit tayo pagkatapos ng star gazing at...” bulong ni Saffi at sinadyang ibinitin ang sasabihin.
“Ghost hunting tayo?” suhestiyon ni Marge na katabi si Kaye. Itinago nito ang hawak na video camera. Kanina ko pa siya napapansing nangunguha ng
