“HOY, CHAX! Huwag ka ngang gumawa ng kahit na anong ingay riyan! Ang g**o-g**o mo!” narinig kong saway ni Marge kay Chax nang may marinig akong kalabog. Naghahalungkat sila ng kung anu-ano sa shelf na kasunod ng kinaroroonan ko.
“Hindi ako maingay! Ang likot mo kasi kaya nahulog ko ang isang libro. Kung dumistansya ka ba naman kahit kaunti sa akin, ano? Kung makadikit ka kasi para kang linta!”
“Hindi naman ako nakadikit sa 'yo, ah! Eto naman! Parang tumabi lang, eh!”
“Sus. Nagpapalusot ka pa, eh, naduduwag ka lang. Roxi, hilahin mo nga itong si Marge palayo sa akin. Hindi ako makakilos nang maayos, eh!”
“Tse! Diyan ka na nga,” sabi ni Marge. “Rox, nasaan ka ba?” tanong niya kay Roxi.
Napailing na lang ako. Hindi talaga nila maiwasang mag-ingay. Kung sabagay okay lang iyon dahil n
