Halos isang buwan na rin ang nakalipas mula ng dumating ako sa Vizier Palace. At katulad ng napag-usapan ni Reyna Ariadne sa kanyang mga anak ay nagtalaga sila ng araw kung sino ang maaaring dumalaw sa akin. Si Prinsipe Orion sa Lunes, Prinsipe Boreas sa Martes, Prinsipe Narcissus sa Miyerkules, Prinsipe Casper sa Huwebes at si Prinsipe Loki sa Biyernes.
Aaminin ko na unti unti napapalapit na ang loob ko sa mga prinsipe. Unti unti ko na rin nakilala ang bawat mga personalidad nila. Gayun pa man ay hindi ko maiwasang maalala sina Dervis sa labas ng palasyo. Pinapanalangin ko na nasa maayos na kalagayan sila at hindi mapunta sa isang delikadong sitwasyon muli.
"Mahal na prinsesa..." Masayang pagbungad sa akin ni Calypso. "May dumating pong mga regalo sa inyo mula sa inyong Amang Hari."
Na
