Pagkatapos ng pagpapasa kay Dervis ng posisyon bilang personal guard ni Prinsesa Prima ay tahimik na umalis na magkasama sina Calypso at Blake para gawin ang inatasan sa kanilang misyon. Agad sila nagtungo sa kaliwang bahagi ng kapital.
Nakarating sila roon na mas maaga pa sila ng tatlong oras sa nakatakdang oras ng auction. Ayon rin sa imbitasyon ay masked formal event ito kaya inaasahan ang mga dadalo na may takip sa kanilang mga mukha na tumatakip sa kani-kanilang identidad.
"Kung magsusuot tayo ng maskara, paano natin makikilala ang mga opisyales na dadalo rin sa auction?" Pagtatanong ni Calypso kay Blake.
"Hindi ang auction ang ating pakay rito, Calypso." Seryosong sambit ni Blake sa kanya. "Ang misyon natin ay pasukin ang kanilang opisina at nakawin ang mga importanteng nilang m
