"Spark!" Pagsaway ko sa alagang dragon at hinila siya paalis sa gitna ng hapagkainan.
Nagmamadali naman na binigyan ng pamunas ng mga tagasilbi ang mga prinsipe. Hindi ko maiwasang mapalunok at natatakot na tumingin sa mga prinsipe na abalang abala sa pagpupunas ng kanilang mga nadumihang na damit. Marahil ay nagagalit sila ngayon dahil sa ginawa ni Spark.
Pagkaalam ko ay ayaw na ayaw pa naman nila na nadudumihan ang kanilang mga kasuotan dahil sa kanila ang kalinisan ay katumbas ng kalinisan ng iyong kalooban. Hahayaan lang nila madumihan sila ng dugo ng kanilang kalaban sa gitna ng isang labanan.
"P-Pasensiya na... M-Mga mahal na prinsipe!" Nauutal at natatakot habang nakayuko pagpaumanhin ko sa kanila. "T-Tuturuan ko si S-Spark na huwag gagawin iyon sa susunod..."
Ramdam ko na agad
