Dahil sa sasabayan ako ni Prinsipe Orion sa aking pananghalian ay tulung tulong na inayusan ako nina Calypso at Oenone. Itinirintas pa ng pagapang ni Oenone ang aking mahabang gintong buhok habang pinasuot naman ako ni Calypso ng isang simple pero eleganteng kulay asul na bestida. Alam niya siguro na hindi ko iyon susuotin kung masyadong magara ang ipapasuot niya sa akin para lang harapin si Prinsipe Orion. Nilagyan rin nila ng pulbos at mapulang pula na tinta ang talukap ng aking mga mata at labi.
Kaya nang matapos ay namamanghang pinagmasdan nila ako na ikinakibit balikat ko lamang dahil wala akong pakialam sa itsura ko ngayon.
"Prinsesa, ang ganda ganda niyo!" Papuri sa akin ni Oenone at napalakpak ng tatlong beses. "Teka pipili kami ng alahas para iterno sa inyong kasuotan. Tamang
