"I'll be right there. Let's talk," ika ni Kelvin na agad siyang pinatayan ng telepono. Alam niyang agaran siya nitong pupuntahan kaya naman lumabas na siya ng bahay para hintayin ito sa bakuran. Sinilip niya ang anak at laking ginhawa niya na tulog na ito. Hindi niya gustong marinig nito ang pag-uusapan nila ni Kelvin.
Ilang sandali lamang siya naghintay. Dumating si Kelvin. Hindi na niya ito hinayaang bumaba at sumakay siya sa sasakyan nito. Doon na lamang sila mag-uusap.
"Are you okay?" tanong nito nang nakapuwesto siya sa harap ng upuan ng kotse nito.
Mapait siyang napangiti. Isinandig ang likod sa upuan at saka bumuntong hininga. Hindi alam paano sagutin si Kelvin. Si Kelvin na hindi na umalis sa kanyang tabi simula noong muli silang magkita.
Pagkatapos mailibing si Aling Tinay ay
