Mabilis ang mga hakbang ni Annie patungo sa silid. Palapit pa lamang siya ay rinig na niya ang sigaw at mga kalampag sa loob. Mabilis siyang pumasok at kitang kita niya ang nagkalat na mga gamit. Sa loob noon ay may dalawa pang katao, isang babaeng nurse at lalaking sa tingin niya ay doctor. Halata ang takot sa mukha ng mga ito.
"Please, calm down Mr. Tamayo," muling pakiusap ng doktor. Ngunit tila walang naririnig si Kelvin. Nagpatuloy ito sa pagwawala at pagsigaw.
"Leave me alone! Get out!" sigaw nitong hinila ang kumot ng hinihigaan at initsa sa sahig. Hindi alintana ang muling pagbuka ng sugat sa kanyang tagiliran.
"Kelvin!" tawag niya rito at humakbang palapit dito. Pilit siyang pinigilan ng nurse ngunit hindi siya nagpatinag. Lumapit pa rin siya sa nakatalikod na lalaki. Nakasand
