"Kelvin!" sigaw ni Annie nang magkamalay. Sa takot at pagod ay nahimatay siya sa gitna ng paghingi ng tulong kanina. Kung nasaan siya ay hindi na rin niya alam.
Kung hindi lamang pumasok ang isang nurse para check-up-in siya ay hindi niya malalaman na nasa isa siyang hospital.
"Kumusta ang pakiramdam mo, Miss?" tanong nitong nakangiti. Dahil nakaupo na siya ay malaya nitong na-check ang kanyang blood pressure. "Maayos ka na. Puwede ka na rin sigurong umuwi ngayon," saad nito.
"Paano ako napunta rito?" lamang na tanong niya. Walang maalaala.
Muling ngumiti ang nurse bago siya sagutin.
"Dinala ka ng isang pogi rito, Miss," sagot nitong kakaiba ang ngiting ipinukol sa kanya. Tila pa nga kinikilig. "Alalang alala siya sa iyo, Miss. Ang takot sa mukha niya, Nanakakilig," hindi nito maiwa
