"Annie, pasensiya na talaga, ikaw lang maasahan namin," pakiusap ng manager nila na si Joy. Pauwi na sana siya ngunit heto nga at nakikiusap ito na manatili kahit hanggang alas nuwebe lamang ng gabi.
"Sige lang, babalik ako. Kailangan ko lang tawagan ang kaibigan ko para ipaalam na late na ako makakauwi," ika niya. Pumayag naman agad ito. Baka naghihintay na sa kanya si Alex. Kanina pa ito text nang text tungkol sa pinamili nito kasama si Chester. Sa text ay sinabi pa nitong napapayag ang lalaki na gawing groom kaya naman dapat ay gawan niya rin barong. Dahil busy nga at hindi na niya nagawang relpy-yan ito.
Muli siyang pumasok sa locker room upang kuhanin ang telepono. Agad niyang dinial ang numero ni Alex na agad nitong sinagot.
"Babes?" agad na bungad ni Alex.
"Late ako makakauwi
