"Salamat," ika niya kay Chester. Binuksan niya ang pinto mula sa passenger's area ng sasakyan nito. "Ingat kayo sa pamimili," paalam niya bago iyon isara.
Napagdesisyunan nila ni Alex na ito na lamang ang bibili ng ibang mga kakailanganin. Sasamahan na lamang ito ni Chester.
"Bye, Annie. Kita na lang tayo sa bahay," paalam naman ni Alex. Tango lamang ang naging sagot niya bago kumaway nang paandarin na ni Chester ang sasakyan nito paalis.
Nang mawala na ang mga ito sa paningin niya ay nagpasya na siyang tuluyang pumasok sa resto.
"Hi, Annie," bati ng mga kasamahang naabutan niya sa locker room. Tila nagulat pa ang iba.
"Hi, guys," bati niya sa mga kasamahan. Nagtaka pa siya dahil biglang nagkumpulan ang mga ito na lumapit sa kanya.
Sa gilid ng restaurant sila dumadaan papunta sa l
