Naaalimpungatang iminulat ni Agnes ang kanyang mga mata nang makarinig ng ingay mula sa kusina, bahagya pa niyang kinusot-kusot ang isang mata bago tumayo mula sa pagkakahiga sa matigas na upuan. Medyo matagal narin pala siyang natutulog roon kaya nasasanay na ang likod niya sa matigas na higaan. Saglit niya lang itinupi ang ginamit na kobre kama at kumot bago siya dumiretso sa kusina. Inasahan na niyang si Islaw ang bubungad sa kanya, at tama siya dahil si Islaw nga ang nasa loob ng kusina. Ilang araw na ang nakakalipas nang turuan niya itong magluto, marami-rami narin itong alam lutuin kaya madalas ay ito na ang nagkukusang magluto ng kanilang pagkain. "Good morning, Islaw." "Good morning, Agnes ko." nakangiting bati nito bago ipinagpatuloy ang ginagawang pagluluto. Umupo siya sa bakante
