"Ate Agnes!" nagpapapadyak si Buchu na animo'y may mahalagang sasabihin.
"Ano ba iyon? Para kang natatae diyan." marahan siyang tumawa bago tumayo, nais niyang puntahan si Islaw sa kwarto nito.
"U-umalis si Kuya Islaw!" bulalas ni Buchu na nakapagpatigil sa kanya.
"Anong umalis? Saan siya nagpunta?"
"Ate Agnes, papunta siya sa bayan para maghanap ng trabaho. Siya lang mag-isa ang umalis, Ate Agnes." sagot nito na nakapagpagulat sa kanya.
"Ano?! Ang tigas talaga ng ulo ni Islaw!"
"Nagulat nalang din ako nung nagpunta siya sa bahay. Gusto niyang samahan ko siya pero hindi ako pinayagan ni Nanay lalo na't masyado pang madilim ang paligid, Ate Agnes. Kaya umalis mag-isa si Kuya Islaw."
"Ang kulit talaga ng sirenong iyon!"
Hindi na siya nag-atubiling kumilos. Agad siyang pumasok sa loob
