"Gaano katagal kaya akong nawalan ng malay?" kunot noong tanong niya sa sarili.
Naputol ang kanyang pag-iisip-isip nang humawak si Islaw sa laylayan ng suot niyang mahabang palda, marahan pa nito iyong hinihila pababa kaya muntik na siyang mahubaran ng palda. Patagilid na naka-upo si Islaw at ang isang kamay nito ang ipinangtutukod sa sahig para makabalanse, lumuhod siya sa harapan nito para mapantayan ito bago hinaplos ang buhok nito.
"Bakit, Islaw?"
Hindi siya nito sinagot at sa halip ay puno ng pag-aalala ang mukha na tumitig sa kanya. Dumapo ang isang kamay nito sa kanyang namumutlang mukha at marahan pang hinaplos ng daliri nito ang kanyang pisngi. Pakiramdam niya ay nag-init ang kanyang mukha kaya mabilis siyang dumistansya sa huli na ikinakunot lang ng noo nito. Hindi yata alam n
