"Buchu, babalik dito si Islaw kung gugustuhin ng pagkakataon."
Iyon lang ang binitawan niyang salita na nakapagpatahimik at nakapagpasuko kay Buchu. Inihatid niya lang ito sandali sa bahay ng magulang nito bago siya bumalik sa bahay niya na may bitbit pang ilang mansanas na bigay sa kanya ng ina ni Buchu. Iyon nalang siguro ang kakainin niya ngayong gabi dahil naipakain na niya lahat ng isda kay Islaw kanina.
Nang matapos niyang hugasan at talupan ng balat ang mansanas ay umupo na siya sa upuan at handa na sanang kumain pero natigil siya nang may kumatok sa pinto, padalawa-dalawa at mahina ang mga katok pero sapat na iyon para marinig niya. Nakakunot ang kanyang noo nang buksan niya ang front door ng bahay, mas lalo lamang nadagdagan ang pagkunot ng noo niya nang walang bumungad sa kanya
