PINAGPATULOY ng iskolar ang pagbabasa sa libro kaya napapasunod siya ng tingin sa paglipat nito sa mga pahina dahil natapos na rin siya sa pagkain. Samantalang sina Dermot ang kaniyang alalay na si Arnoflo ay kumakain pa rin sa bagal ng pagnguya nnng mga ito. Naging blangko ang mukha ng iskolar sa paglagay nito ng buong atensiyon sa hawak na libro. Hindi niya pa rin maiwasang tingnan ang librong pula ang pabalat na nasa pinakailalim ng pinagpatong-patong na libro.
"Ano bang pinaghahandaan mo?" ang naisipan niyag itanong dito.
Saglit nitong iniangat ang tingin sa kaniya kapagkuwan ay binalik din agad sa libro.
"Pagsusulit para sa mga posisiyong naghihinntay sa pamamahala ng hari," pagbibigay alam nito sa kaniya. "Ang gusto kong makuha ay ang ministro ng digmaan."
"Masyado namang mataas
