“O, ANO PANG tinitingnan mo diyan? Tara na. Baka maiwan nila tayo,” wika ni Derrick sabay tapik sa balikat ni Richard.
“Nandito sila. Ayaw mo ba siyang makita?” kunot-noong tanong ni Richard sa pinsan niya.
Napailing si Derrick. “Alam ko. Nararamdaman ko rin iyon. Naaamoy ko rin sa hangin ang naiwan niyang pabango. Pero hindi ito ang tamang panahon para balikan natin sila. May kailangan pa tayong gawin sa Gris Crescent bago natin sila dalhin doon. Kapag maayos na ang lahat saka natin sila balikan.”
Napa-buntunghininga si Richard. “Nami-miss ko na si Isabella. Parang hindi ko na kayang tumagal na hindi ko siya makita. Nahihirapan na ako.”
Napakamot ng kanyang batok si Derrick. “Pareho lang tayo ng nararamdaman. Nahihirapan din ako na hindi makasama si Genevieve. Pero kailangan kong tiis
