“GIRLS, pupunta rin ba tayo sa party mamaya?” masayang tanong ni Jade.
Nagtinginan sina Isabella at Katherine.
“Kaninong party iyong tinutukoy mo?” usisa ni Isabella. Hindi siya mahilig um-ateend ng party maliban na lang kung school affair. Kung may mga party man siyang napuntahan sa mga nakalipas na taon, bihira lang iyon. Pinakahuli niyang napuntahan iyong birthday party ng kaibigan ni Richard. Malapit lang iyon doon sa kanila. Nangyari iyon noong mga panahong hindi pa niya nalaman ang panloloko nito sa kanya.
“Birthday party ni Lizette at ng kuya niyang si Lander,” tugon ni Jade.
“Ah, si Lizette pala. Hindi naman siya nag-iimbita,” ani Katherine.
Kaklase nila si Lizette. Graduating naman sa architecture ang kuya nito. Ka-batch ito ni Richard.
Eww! Bakit na naman ba niya naalala
