Halos dutdutin ni Yna ang hawak na cellphone habang nakaupo sa pang-isahan niyang sofa sa bahay. Dalawang araw na mula nang tumambay si Vicente sa kanyang opisina at pagkatapos non ay hindi na sila nagkita. Hindi siya nito kinulit na labis niyang ipinagtaka at ngayon ay nakita niya ang lalaki sa isang interview sa isang business channel. May isang lalaki at babae itong kasama na kilalang-kilala niya.
Ang isa ay si Aria Lopez. Buhay pa pala ang babaeng iyon?
Huling balita niya sa babae ay noong nagviral sa internet ang pagsisunungaling nito na nobya ito ni Paul Vicente. Ang lalaki na din kasi mismo ang nagsabi sa madla na wala itong relasyon sa sikat na fashion designer sa bansa. Hindi niya tuloy alam kung ano ang dapat na isipin noong malaman iyon ni Yna dahil ilang balde din ng luha an
