Labi sa Tasa
HINDI na bumusina ang dalaga nang makarating sa tapat ng gate ng bahay niya. Nakapasok siya at nakapag park sa garahe nang maayos. Binuksan niya ang pintuan at tahimik na pumasok.
Agad niyang napansing wala ang anak sa crib nito. Nailipat niya ang paningin sa tumba-tumbang bahagyang gumalaw. Maingat siyang naglakad palapit.
Napangiti siya nang makitang mahimbing na natutulog ang anak sa dibdib ng boarder. Tulog din ang binata kung kaya nagkaroon siya ng pagkakataong pagmasdan ang mukha nito.
Ang noong makinis at ni isang gatla ay wala. Ang makapal na kilay na tila inayos ng parlorista ang pagkakatubo. Ang mga matang may malantik na pilik kahit bahagyang singkit. Ang ilong na matangos na parang ginawa ng magaling na cosmetic surgeon. Ang mga labing hindi makapal at hindi
