Pananaway
NASA labas pa lang ng gate ay naririnig na ni Lennie ang palahaw ng iyak ni King. Hindi na siya bumusina. Bumaba na lamang ng kotse at ginamit ang duplicate key upang pagbuksan ang sarili.
Nang maipasok sa garahe ang sasakyan ay nagmamadali na siyang pumasok sa loob ng sala. Nakita niyang panay ang tila pagsasayaw ng kasera habang karga ang batang umiiyak.
"Hey, buddy! Bakit ka umiiyak? Siguro hinahanap mo ang Naynay Violy mo ano?", nakangiting kausap ng binata kay King. Bahagya pa itong yumuko upang magkatapat ang mukha nila ng paslit.
Pumaharap si Rennie sa nagsalitang binata. Agad namang ipinaling ni King ang mukha sa gawi ng kumakausap sa kanya.
"Humahabol nga yata siya kay Violy. Nang magising ay nag-alburoto na agad.", tila reklamong tugon ng dalaga.
"Ganun ba?", sago
