KAAGAD kong itinukod ang mga kamay ko sa gilid para makatayo pero hinila ako ulit ni Kazu pabalik. Iniyakap pa ang isang braso sa beywang ko.
Umawang ang labi ko at pinandilatan siya ng mga mata. "Hoy! Bitiwan mo nga ako! Para kang tanga, ah! Mamaya makita tayo ng mga empleyado mo rito!"
Umangat ang sulok ng labi niya. "So, kapag walang nakakita sa atin, ayos lang na yakapin kita?"
Aba, anong gusto niyang iparating? Na nag-eenjoy ako sa ganitong posisyon namin? Hello! Siya kaya itong ayaw akong paalisin!
"Bitiwan mo nga ako!" Itinukod ko ulit ang kamay ko para tumayo. Pero hinawakan ni Kazu ang pulsuhan ko at itinaas. Napasubsob tuloy ang mukha ko sa dibdib niya. "Ano ba! Parang gago naman 'to, oh!"
"Hindi mo sinasagot ang tanong ko."
Kunot noong tumingala ako sa kaniya. "Anong tan
