HINDI pa ako nakakaporma para magsalita, naunahan na ako ni Mama.
Ang seryoso ng itsura niya!
"Boyfriend ka kamo nitong si Violeta?" Inabot niya ang kamay ni Kazu saka pinaglipat-lipat ang tingin sa amin.
Walang alam si Mama sa mga kalandiang pinag-gagawa ko sa university though hindi rin naman siya sobrang strict na bawal akong mag-boyfriend.
Palagi lang niyang paalala sa akin, huwag na huwang akong gagaya sa kaniya na nagmahal, nagpakatanga at nagpabuntis sa maling lalaki. In the end nasaktan at naiwang sawi.
Gusto ni Mama na makapagtapos muna ako ng pag-aaral bago ako mag-asawa para daw hindi ako aapi-apihin ng magiging in-laws at ng mismong asawa ko.
Payo niya rin sa akin na kung mag-bo-boyfriend ako, kahit na mayaman basta may pangarap sa buhay, 'yong mamahalin ako ng tot
