"It was finally nice meeting you, hija." Inilahad ni Papa ang kamay niya sa akin saka ngumiti na akala mo napaka-bait.
Pumait ang panlasa ko. 'Yong mabuti kasing imahe ng isang ama na iniisip ko sa stepfather ni Kazu kanina, lahat naglaho. Yung inggit na nararamdaman ko naging disgusto.
Paano nagagawa ni Papa magpaka-tatay sa iba? Habang ang sarili niyang dugo at laman— masahal pa sa hayop kung i-trato niya?
Bumaba ang tingin ko sa kamay ni Papa. Hindi ko namamalayang ilang sandali na pala akong nakatitig lang doon.
"Hon?" Bulong sa akin ni Kazu.
Natatauhan akong nag-angat ng tingin at diretsong tumitig sa mata ni Papa. Baka sakaling tablan naman siya ng kahihiyan sa ginawa niya sa aking panununtok at pananakit.
Pero 'di ko man lang siya kinakitaan ng pagpahiya o kahit man lang gu
