Camilla's P. O. V.
Pinagmasdan ko si ninong Gray na abala sa paghuhugas ng mga ginamit ko sa ginawa kong order na cake ngayong araw. Muntik ko na ngang makalimutan na may order pala akong cake ngayon. Dalawa pa naman ito. Isang number cake at isang cakes naman para kasal. Medyo madugo ang cake sa kasal dahil tatlong layer iyon at masyadong detailed ang design. Kaya mahal ang singil ko dito dahil hindi rin biro ang magdisenyo ng cake.
"Ninong.... tama na 'yan. Kanina ka pa diyan. Magtanghalian na tayo..." suway ko sa kaniya.
Medyo marami kasi akong ginamit sa ginawa kong cake kaya marami siyang hugasan. Sabi ko nga sa kaniya na ako na ang maghuhugas pero ayaw naman niya. Gusto niya raw na tulungan ako dito sa bakeshop at parte raw ng panliligaw niya ang ginagawa niyang ito para sa akin.
