Mabilis na lumipas dalawang buwan, naka- recover na sa panganganak si Camilla. Tuluyan ng naging magaling ang tahi niya mula sa kaniyang panganganak. Inalagaan kasi siya ng maayos ni Gray. Kaya naman mabilis siyang gumaling. Talagang hindi ito umaalis ng bahay para lang mabantayan sila ng maigi ng kanilang anak. Gusto kasi ni Gray na siya ang mag- aalaga sa kaniyang asawa upang makabawi man lang sa naranasan nitong hirap noong iniluwal nito ang kanilang kambal. Kaya naman kahit antok na antok na siya sa pagbabantay ng kanilang anak, pinagsisilbihan niya pa rin ang kaniyang asawa.
"Ang bilis 'no? Umalis na kaagad ang mga magulang mo. Doon na ba talaga sila titira?" tanong ni Camilla kay Gray.
Agad namang tumango ang kaniyang asawa. "Oo doon na raw. Citizen na silang dalawa doon. Ang sabi
