MABILIS kong pinuntahan sina Savio nang malaman ko kung nasaan sila. Sinabi naman ni Lorenzo sa akin ang kinarroroonan nila at hindi ko inaasahan na naririto siya sa school nina Savio.
Masyado akong abala para isipin pa kung anong maaaring rason niya at naririto pa rin siya.
“Savio!”
Naabutan ko si Savio na naglalaro. May hawak siyang bagong laruan at hindi ko alam kung saan iyon galing. Maaaring galing ito kay Lorenzo.
“Mommy, look! Bigay po sa akin ni Grandpa!”
Parang nangilabot ako sa itinawag ni Savio sa lalaking nasa gilid namin. Tiningnan ko siya at kahit anong pigil ko, hindi ko maiwasan na masama siyang tingnan.
Nakatingin lang sa amin si Lorenzo.
“Anong ginagawa mo rito? Nasaan si Ate Lilibeth?!” Sobrang taranta ko na hindi ko na napigilan ang galit at rinig na rinig iyon s
