KINAKABAHAN ako nang biglang tumakbo si Savio papalapit sa akin. Napatingin ako sa kinaroroonan ni Yvo, inaasahan na makikita niya ang paglapit ni Savio sa akin subalit paalis na siya habang kausap ang isang lalaki.
Nakahinga ako nang maluwag. Akala ko talaga malalaman niya na ako ang ina ni Savio. Sinabi ko na sasabihin ko sa kanya, pero mukhang bukod kay Savio ay hindi pa rin ako handa.
Niyakap ako ni Savio nang makalapit siya. Nagdesisyon naman akong umalis sa lobby nang sa ganoon ay hindi ako matakot na baka bumalik si Yvo.
“I missed you, Mama. Pumunta kami ni Ninang Ange rito kasi gusto kitang makita. Is that okay?”
Ngumiti ako kay Savio at tumango. “Oo naman. Sorry, hindi ako nakauwi kagabi. Did you have a nightmare?”
“Yes, Mama. But I’m fine na, I saw you na, eh.”
Ang mga simp
