PARANG ayoko nang ibenta 'tong mga pictures, iyon ang umiikot sa isip ni Cee habang pinagmamasdan ng paulit-ulit-syempre joke lang 'yan, third time pa lang naman-ang mga larawan ni Rake sa camera niya.
Siguro ay masyado lamang siyang mabait para gawan ng hindi masyadong maganda si Rake sa kabila ng kalokohang pinaggagagawa nito sa kanya. Wala namang magiging ibang dahilan pa bukod sa kabaitan niya, 'di ba?
Napabuga siya ng hangin. Dagli siyang napatingin sa pintuan ng Love Club nang bumukas iyon at iniluwa ang mangiyak-ngiyak na si Ava. Nagulat siya dahil bihira niyang makitang umiyak ang isang 'to.
Isang beses pa nga lamang niya yatang nakitang umiyak si Ava. Iyon ay n'ong nalaman nitong may girlfriend na ang crush nitong Kpop artist.
"Ano'ng problema, Ava?"
Umupo ito sa bakanteng up
