روايه حرب الصيادين ويحكي الروائي في هذه الروايه عن حرب ومعاناه الصيادين مع القراصنه والبحار وما يحدث لهم في صيد الاسماك ومعانتهم

البارت التاني . . .روايه حرب الصيادين

الريس حسن : بقولك ايه يا ريس عباس اني شايفك بتتعامل مع اسامه بشده شويه ابفي خف ع الوله مش كده .

الريس عباس : بيني وبينك يا حسن يا اخويه اني زعلان منه مزعل البت مراته و هي شكيالي منه و اني مش عارف اعمل معاه ايه .

الريس حسن : انت عارف يا ريس عباس ان كل المتجوزين بينهم مشاكل ربنا يهدي .

الريس عباس : لاء يا ريس حسن اني منحبش نزعل بنات الناس و طالما دخلنا بيت لازم نراعي بنات الناس اللي جبناها في بيتنا ومنزعلهاش .

الريس حسن : ربنا يهدي ابقي اتكلم معاه بينك وبينه وفهمه غلطه ربنا يهديهم .

في القهوه قاعد الريس اسماعيل مع عم لطفي البقال .

الريس اسماعيل : الواحد النهارده تعبان ومش قادر باين الصغط عالي عندي ولا ايه .

عم لطفي : سلامته يا ريس اسماعيل كنت روحت كشفت يمكن مصدع من هوا البحر .

الريس اسماعيل : ممكن برضه ليه لاء ماهو هو البحر ده بيتعب برضه بس اني منعرفش نقعد من غير ما نشوف البحر ونشم هواه خالص احس ان في حاجه ناقصه اصل البحر ده بالنسبه ليه حياه كبيره اوي .

عم لطفي : ربنا يعطيك الصحه والعافيه يا ريس اسماعيل و يقدرك و يعينك يارب . .

الريس اسماعيل : ايه ده مش ديه مركب الريس حسن والريس عباس . .

عم لطفي : ايوه هي .

الريس اسماعيل : ايه اللي منزلهم البحر النهارده الموج عالي اوي .

عم لطفي : ربنا يعينهم تلاقي الريس حسن هو اللي صمم حاكم اني عارفه .

الريس اسماعيل : بقالي يومين مشفتوش .

عم لطفي : هتلاقيه مشغول بس شويه انت عارف الريس حسن مفيش حاجه في دماغه غير البحر والمراكب والسمك الله يعينه .

الريس اسماعيل : بس لما اغيب عنه يومين واجب عليه يسال عني ولا ايه .

عم لطفي : ملناش بركه اللي انت يا ريس اسماعيل .

الريس اسماعيل : الله يكرمك يا حج لطفي ياااارب مش ناوي بقي تجدعن كده عشان تجوز البت .

عم لطفي : والله يا ريس اسماعيل اني بحاول اهو اجيب الحاجات اللي ناقصه انت عارف بقي جهاز البنات تكلفه جامده اوي ربنا يرزقني برزقها يااارب .

الريس اسماعيل : ربنا يرزقك و يفرحك بيها يا حج لطفي سيبها لله محدش بيروح من رزقه حاجه والبنات رزقها واسع . .

عم لطفي : ونعمه بالله يا ريس اسماعيل .

و جت مركب الريس حسن والريس عباس .

الريس حسن طلع من المركب واول ما شاف الريس اسماعيل .

الريس اسماعيل : اني زعلان منك يا ريس حسن .

الريس حسن : ليه كده بس دانت ع دماغي من فوق .

الريس اسماعيل : بقي اغيب يومين يا جدع متسألش عني و لا تعبرني و لا تقول اما اتصل حتي اسال عليه ليكون تعبان ..

الريس حسن : و الله غصب عني يا اسماعيل انت عارف اني برجع من البحر مش شايف قدامي بس اسال كده الريس عباس اني سأله النهارده قايله ايه .

الريس عباس : حقيقي يا ريس اسماعيل سالني النهارده عليك و قلنا تلاقيك نزلت البحر من بدري لان المركب بتاعتك مش موجوده .

الريس اسماعيل : ايوه صحيح المركب مش في البحر اني سايبها نواحي البر من الجهه التانيه عشان الواد بليه بيصلح فيها حاجه .

الريس حسن : اني كمان عاوز الواد بليه يجي يفك الموتور عطل مننا النهارده .

الريس اسماعيل : وانت ايه اللي نزلك البحر النهارده هو في حد ينزل في الموج العالي ديه بمراكبنا ديه .

الريس عباس : داني غلبت معاه هو كان عاوز يرجع ده ربنا نجانا النهارده .

عم لطفي : مش قلتلك يا ريس اسماعيل تلاقي الريس حسن هو اللي صمم .

الريس حسن : احنا رجعنا اهو يا اخويه ع الله ترتاح بقي و تروح تنام .

الريس عباس : اروح انام و اسيب قاعده الصحاب اللي متتعوضش ديه .

عم لطفي : طيب انا بقي هقوم عشان افتح الدكان عن اذنكم .

الريس اسماعيل : اتفضل يا حاج لطفي .

الريس عباس : و الله الحاج لطفي ده غلبان اوي وبيصعب عليه .

الريس اسماعيل : ايوه و الله جهاز البنات غالي وكتير و هو ربنا يعينه بيصرف ع ٣ بنات و امهم يبقوا اربعه الله يعينه .

الريس حسن : عارف يا اسماعيل يا اخويه ربنا ان شاء الله هيكرمه و الله و هيرزقه برزقهم ده البنات دول نعمه متتعوضش ابدا .

الريس عباس : ايوه و الله عندك حق ربنا يعينه .

الريس حسن : مالك كده يا اسماعيل شكلك تعبان .

الريس اسماعيل : و الله ما اني عارفه دماغي بقالها يومين كده تعباني و الصداع مش بيسيبني و مش عارف في ايه يمكن من هوا البحر .

الريس عباس : طيب و مكشفتش ليه يا ريس اسماعيل .

الريس اسماعيل : خليني مقفول احسن بدل ما افتتح علي نفسي اشاعات و تحاليل و و جع قلب .

الريس حسن : بس مينفعش يا ريس لازم تطمن علي نفسك و تروح للدكتور يكشف عليك .

الريس اسماعيل : ربنا يقدم اللي فيه الخير يا حسن يا اخويه .

الريس حسن : ان شاء الله خير سيلها علي الله يا ريس .

الريس عباس : بقولك ايه يا ريس اسماعيل اني كنت عاوزك كده في موضوع مهم .

الريس اسماعيل : خير يا عباس قول .

الريس عباس : اني كنت هسالك علي مشتري كده للحته الارض اللي عندي اني عارف انك تعرف ناس يعني ممكن يشتروها. .

الريس اسماعيل : انت عاوز تبيع الحته الارض ليه يا ريس عباس .

الريس عباس : انت عارف الدنيا والظروف و بصراحه عاوز اطلع اعمل عمره اني و الحجه ام اسامه محدش ضامن عمره البحر طول عمره اخدني في ملكوته و عاوز اعمل عمره قبل ما ما اموت انت عارف اني كبرت و محدش ضامن عمره .

الريس حسن : بعد الشر عنك يا ريس عباس في ايه النهارده مالكم شويه اني و شويه انتم صلوا علي النبي يا رجاله .

الريس اسماعيل : ربنا يد*ك طوله العمر يا عباس و يهديلك ابنك ياااارب ويرزقه بالزريه الصالحه يااارب .

الريس عباس : يارب يا اسماعيل يارب .

الريس حسن : اما اتصل كده بالبيت اشوف مرات ابراهيم ولدت و لا ايه لحسن تعبانه طول الليل و الله ما اني عارف ربنا معاها بقي ..

الريس عباس : ربنا يقومها بالسللامه يااارب .

الريس اسماعيل : ربنا معاها يا حسن و انت يا ريس عباس اني هنكلمك واحد معرفه كده حبيبنا يشوفلك موضوع الارض بتاعك ديه متقلقشي يعني . .الريس حسن بيرن عليهم في البيت .

نكمل بقي البارت الجااااي . . . . .