روايه حرب الصيادين ويحكي الروائي في هذه الروايه عن حرب ومعاناه الصيادين مع القراصنه والبحار وما يحدث لهم في صيد الاسماك ومعانتهم

روايه حرب الصيادين . .البارت الثالث . . .

الريس حسن : اما اتصل كده بالبيت اشوف مرات ابراهيم ولدت و لا ايه لحسن تعبانه طول الليل و الله ما اني عارف ربنا معاها بقي ..

الريس عباس : ربنا يقومها بالسللامه يااارب .

الريس اسماعيل : ربنا معاها يا حسن و انت يا ريس عباس اني هنكلمك واحد معرفه كده حبيبنا يشوفلك موضوع الارض بتاعك ديه متقلقشي يعني . .الريس حسن بيرن عليهم في البيت .

الريس حسن : الو ايوه يا حجه عامله ايه . .

مرات الريس حسن : الحمد لله يا حج حسن .

الريس حسن : طمنيني علي مرات ابراهيم ولدت و لا لسه .

مرات الريس حسن : لسه والله يا حج حسن ادعيلها لسه شويه .

الريس حسن : ربنا معاها يااارب اني رجعت من البحر عشان الموج عالي و الموتور بتاع المركب عطلان فقلنا نرجع .

زوجه الريس حسن : ربنا يرزقكم يااارب .

الريس حسن : علي العموم اني هنا علي القهوه و شويه كده و هجي لو في حاجه ابقي كلميني طمنيني .

زوجه الريس حسن : ان شاء الله يا حاج ماشي مع السلامه يا ابو محمد .

الريس حسن : مع السلامه يا ام محمد .

الريس عباس : طمنا يا ريس حسن ايه ولدت و لا لسه

الريس حسن : لاء والله لسه ربنا معاها البت ديه غلبانه كده وبتصعب عليه .

الريس اسماعيل : ربنا يقومها بالسلامه يااارب .

الريس حسن : يااارب اني هنقوم نصلي الضهر و بعدين نبقي نروح ع البيت نشوف لو محتاجين حاجه

و انت يا ريس عباس متنساش تبقي تبعت الوليه بليه يفك الموتور و يبص عليه مش ناقصه عطله و خليه يركب الموتور التاني لحد ما نشوف كده هترسي علي ايه .

الريس عباس : ماشي اني هنعدي عليه اهو و بعدين نحصلك ع الجامع .

الريس اسماعيل : و اني هنيجي نصلي معاك الظهر و الريس عباس يبقي يحصلنا علي الجامع .

الريس حسن : يالا بينا يا ريس واد يا حموكشه تعالي خد الحساب .

حموكشه : حاضر يا ريس جايلك اهو .

الريس عباس : اني هنمشي عشان نلحق نجيلكم ع الجامع .

وفجأه صوت صريخ جاي من نواحي المراكب . .

الريس عباس : في ايه يا ولاد من اللي بيصرخ ديه ايه الصوت العالي ده جاي منين .

الريس اسماعيل : واد يا حموكشه اجري يا وله شوف في ايه الصوات ده جااي منين .

حموكشه جري يشوف في ايه .

و رجع حموكشه . .

حموكشه : الحق يا ريس حسن في نار ماسكه في المركب اللي جنب مركبكم و النار والعه جامد .

الريس حسن : بتقول ايه نااار .

الريس عباس : يا نهار اسود مركب مين .

الريس حسن و الريس عباس و الريس اسماعيل و عم لطفي البقال و الناس. كلها جريت تشوف في ايه .

و فعلا النار ماسكه في المركب اللي جنب المركب بتاعتهم و محدش عارف ايه اللي بيحصل .

الريس حسن : اتصل علي اسامه و محمد و العيال كلها تيجي تشوف النار دي جايه منين بدل ما المركب تولع طفوا يا رجاله .

الريس عباس : ان شاء الله هنطفيها يا حج فتحي .

الريس اسماعيل : الهمه شويه يا رجاله ..

الريس فتحي بيصرخ و بيقول : شقي عمري ضاع يا ناس الحقوني .

و فضلت الناس تتطفي في النار و الحمد لله المركب اتلحقت و مولعتش كلها .

الريس فتحي : اني لازم اعرف وافهم ايه اللي ولع في المركب ديه اكيد حد عاوز يحرق قلبي و يضيع شقي عمري .

الريس اسماعيل : كل حاجه هتبان يا ريس فتحي و اللي عمل كده لازم و لا بد يا خد جزاته .

الريس حسن : منه لله اللي عمل كده .

حموكشه : اني هنرجع بقي للقهوه لحسن اني سايبها لوحدها عن اذنكم يا معلمين .

الريس فتحي : تشكر يا واد يا واد يا حموكشه اني مش عارف و الله اجازيك ازاي انت تعبت و الله .

حموكشه : ربنا يعوضك خير بس يا ريس فتحي و لا يهمك ان شاء الله خير اني زي ابنك و انت اللي مربيني رنا ينتقم من اللي كان السبب .

عم لطفي : كله هيبان و اللي عمل كده هيتربي .

الريس حسن تليفونه بيرن . .

الريس حسن : الو ايوه يا ام محمد .

ام محمد : في ايه يا حسن العيال بتقول في نار مولعه جنب المركب بتاعكم في ايه و العيال طلعت جري علي الكلام .

الريس حسن : خير يا حجه اما اجي هفهمك مع السلامه دلوقتي عشان اني مع الرجاله .

ام محمد : مع السلامه يا ابو محمد .

و بعد شويه كل واحد روح علي بيته و عمي لطفي لما روح كان قاعد زعلان فزوجته بتكلم معاه و بتقوله .

زوجه عم لطفي : مالك يا لطفي فيك ايه .

عم لطفي : مفيش يا سناء بفكر بس شويه .

سناء زوجه عم لطفي : بنفكير اكيد في بقيه جهاز البت صح .

عم لطفي : صح يا ام ساره البت خلاص عريسها حدد الفرح و احنا لسه مكملناش بقيه جهازها يا ام ساره و الواحد خلاص مبقاش عارف يعمل ايه تعب من كتر التفكير في المسؤليات ديه اعمل ايه و اروح لمين و استلف منه و بعدين ابقي اسدد بعد فرح البت .

سناء : و الله هتدبر اني كلمت اخويه الحاج محمود و قلتله يتصرفلي كده في مبلغ سلف و نبقي نسدد بعد الفرح .

عم لطفي : انتي بتتصرفي كده من نفسك اني مش قلتلك متطلبيش حاجه من اخوكي ديه لان مش هيد*كي حاجه اخوكي ده عمره ما خس بالغلابه اللي زينا .

سناء : ليه كده بس يا ابو ساره و الله اخويه طيب و بيحبك انت بس اللي مش عارفه اخد منه موقف ليه .

عم لطفي : يوم ما قل مني قدام بناتي و كان فرحان بنفسه اوي و قعد يتكلم عن انجازاته و يقلل مني قدام البنات و اني خلاص فهمته و عرفته و عرفت ان هو بتاع مظاهر و خلاص و عمره ما حس بالناس الغلابه ربنا يغنيننا بالحلال بعيد عنه الله يسهله بس فلوس مش هاخد منه ابدا اني هتصرف و ربنا مش هيحوجني ابدا .

سناء : استهدي بالله كده و ان شاء الله ربنا هيعدلها

يا ابو ساره و الله ربنا هيفكها .

عم لطفي : ان شاء الله ربنا كبير .

و بعد مرور الوقت . . . .

نكمل البارت الجااااااااي . . . .