Halos wala ako sa sarili habang naglalakad papalabas ng Gym. Hindi ko nga alam kung nakasunod sa akin ang mga kaibigan ko. Basta ang alam ko lang ay gusto kong magpakalayo-layo roon.
Walang direksiyon ang paglalakad ko hanggang namalayan ko na lang na nakarating na ako sa soccer field ng university. May mga bumabati sa akin ngunit hindi ko sila pinapansin. Punung-puno ang isipan ko ng imahe ni JD habang nilalaro ng mga kamay niya ang drumsticks kanina. Magaling talaga ito. Napakagaling kung tutuusin at sigurado akong hindi na siya pakakawalan ng mga members ng banda. Napahanga niya ang lahat ng nanuod sa kanya kanina kabilang na ako. At hindi ko itatanggi iyon.
Umupo ako sa isa sa mga shaded bench na naroroon habang nag-iisip nang malalim. Kung ako ang tatanungin ay ayoko siyang mapasa
